補血佳品：阿膠

每次睇古裝劇，我最鍾意就係睇皇帝皇后妃子平時食咩，因為好想知佢地食d咩可以食到長生不老精神飽滿，從前d妃子究竟食咩可以令她們面若桃花。《甄環傳》電視劇裡，華貴妃就經常煮「東阿阿膠桂圓羮」。

阿膠之體驗：
我記得第一次食阿膠，滿心歡喜地燉了兩個半鐘，點知.....好臭！咩黎架？陣味真係唔係個個頂得順，亦好難形容到果陣味點臭法，結果我試左一次就諗起都怕怕。但之後不斷研究養生，發現阿膠實在是中國著名的補品，亦是最好補血的食品，我就決定俾多次機會佢，唔係，應該係俾多次機會自己，睇下可唔可以再次接受佢。結果，可能我已有心理準備下，感覺容易接受多了，第二次、第三次、第四次....直到現在，我已經唔覺得阿膠臭了，現在燉時終於體驗到阿謂膠香四溢。

阿膠的故事：
阿膠始於秦漢，至今已有二千多年歷史了，是驢皮煎煮濃縮後的固體動物膠，主要成份是蛋白質。相傳慈禧懷孕時曾胎漏出血，時作時止，請遍名醫診治卻毫無療效，病情越來越嚴重，惟恐胎兒難保，最後聽從建議，服下阿膠，果然血止病癒，足月順產男嬰，就是後來的同治皇帝。從此阿膠便成了宮廷御用藥品。

女人唔補好易老，女人一定要氣血充足才有好氣色，所以我每個月都會燉阿膠補一補。阿膠有補氣養血、滋陰潤燥、止血虛暈眩、調經安胎、改善睡眠、抗休克、延緩衰老、美容養顏等功效，是中國著名的補血佳品。

阿膠的做法很多，有阿膠膏、阿膠粥等，以下我介紹一種我常用的做法：

阿膠紅棗桂圓羮 (2人份量)
材料：
阿膠一塊
黃酒約200克
水約250克
紅棗6粒 (去核)
桂圓6粒
杞子適量
黑芝麻適量
冰糖適量

做法：
1) 芝麻用鍋炒香。
2) 將所有材料放入燉盅，大約燉2.5小時即成。
註：燉好後可放雪櫃，分幾次飲用。加點黃酒，除了可去腥味外，更令阿膠更容易收吸。阿膠很堅硬很難砸碎，購買時可叫店舖代砸碎，砸碎後花膠較易溶化。

這是我購買的阿膠

強力推薦家用電燉盅，不用睇火，用電亦比用煤氣燉更便宜。我這個是小型號燉盅，市面上有些大型號的。

「阿膠紅棗桂圓羮」